مردن 6 کەس وە رویداو هیزگردن ئاگریگ لەناو ماڵیگ لە باشوور ناسڕیە
2023-08-29T07:29:42+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە هیزگردن ئاگریگ لەناو ماڵیگ لەئەنجام شەش کەس لە ئەندامەیل ماڵەگه گیان لەدەسدان لەباشوور شار ناسڕیە ناوەن پارێزگاگە.
سەرچەوەگە وە ئاژانس شەفەق نیوز وت، "ئاگریگ هیزگردیە لەناو یەکیگ لەماڵەیل لەناوچەی "جوادەێن" لەقەزای سوق ئەلشیوخ باشوور شار ناسڕیە ناوەن پارێزگاگە، تیمەیل ئاگرکپەوکردن زوی رەسن ئەرا کپەوکردن ئاگرەگە"، دیاریکرد " رویداوەگە بویە هوکار مردن 6 کەس لە ئەندامەیل یەک خێزان کە باوگ و ژن ئەو خێزانە هاناوی و کەس هەفتەم تویش زەخمداری سەختیگ بوود".
وتیش، " تەرمەیل دراوریانە و ئەرا پزیشگ دادۆەری بریان تا رێکارەیل یاساییان تەواوبکریەد، زەخمدارەگەیش ئەرا خەسخانە کلکریا، وتیش، "رویداوەگە وە هووکار شۆرت کارەبایی بویە لەناو ماڵەگە"
