مردن 4 کەس وە رویداو ئاگر لەناو ماڵیگ لە ناوڕاس بەغدا
2024-04-13T11:54:58+00:00
شەفەق نیوز/ سەرچەوەیگ لە وەڕێوەبەرایەتی وەرگیری شارستانی، ئمڕوو شەممە، خەوەردا لە مردن و زەخمداری شەش کەس وە رویداو هیزردن ئاگر لەناوڕاس بەغدای پایتەخت.
سەرچەوەگە وە ئاژانس شەفەق نیوز وت، ئاگریگ لەناو یەکیگ لە ماڵەیل ناوچەی زویە لە کەرادە ناوڕاس بەغداد رویدایە لە ئەنجام چوار کەس گیان لەدەسدان و دوو کەسیش وە سەختی "زەخمدارن"، وتیش لەناوەین مردن و زەخمداریەیل مناڵ هەس".
وەپای زانیاریەیل رەسیە، هووکار رویداوەگە شۆرت کارەبایی بویە.
