مردن 3 فەرمانبەر و زەخمداری 7 کەس وە رویداو هاتوچو لە دیالە.. وینە
2025-01-25T07:34:12+00:00
شەفەق نیوز/ سەرچەوەیگ ناوخوەیی لە دیالە، ئمڕوو شەممە، خەوەردا لە زەخمداری 3 فەرمانبەر و زەخمداری 7 کەس لە وەزارەت کارەبا و ئەندامیگ ئەمنی وە رویداویگ هاتوچوی لە باکوور خوەرهەڵات پارێزگاگە.
سەرچەوەگە وە ئاژانس شەفەق نیوز وت، "پاسیگ کە فەرمانبەرەیل وێستەی کارەبای مەنسوڕیە گواستیە لەیەکەودایە وەگەرد ماشین مەدەنیگ لەبان ری قەرەتەپە ـ مەنسوریە لە باکوور خوەرهەڵات پارێزگای دیالە".
وتیش؛ "تونی لەیەکەوداینەگە بویەسە مدوو سزیان پاسەگە و لە ئەنجام 3 فەرمانبەر مردن و 7 ترەک زەخمداربوی، لە کۆتا چرکەی وەرجە تەقیان پاسەگە قورتارکریان و رانندەی ماشینیگ مەدەنیش زەخمداربوی".
