مرافەی هووزانەی تونیگ لەبان یاریگای تۆپان لە زیقار
2021-06-14T07:22:21+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو دووشەممە، خەوەردا لە مرافەی هووزانەی تونیگ لە باشوور پارێزگاگە لەناوبەین زرگان و ئال شمێس.
سەرچەوەگە ئەرا ئاژانس شەفەق نیوز وت: مرافەیگ هووزانە لە قەزای سوق شیوخ، لەبان یاریگای تۆپان بوی، و لەناوی چەک سووک و ناوڕاس وەکار هاوریا.
سەرچەوەگە دیاری کرد ک مرافەگە بویە هووکار کوشیان یەک کەس و زەخمداری دووان تر، وتیش؛ هێزە ئەمنیەیلە رەسینە شوین رووداوەگە و چگنە ناو ماڵەیل تاوانبارەیل، وەلێ وەدەسیان نەکفتن.
