ماڵپه‌ڕيگ ئه‌مريكى: عه‌سايب وه‌رپرسه له رفانن ليوايگ له وه‌زاره‌ت ناوخوه‌يى
شه‌فه‌ق نيوز/ سه‌رچه‌وه‌يگ له وه‌زاره‌ت ناوخوه‌يى عراقى ئاشكراى ئه‌و لايه‌نه كرد ك ليوا ياسر ئه‌لجه‌بار راگر په‌يمانگاى باڵا ئه‌را په‌ره‌داين ئه‌منى و ئدارى له وه‌زاره‌ته‌گه ره‌فانگه وه‌رجه چه‌ن رووژيگ له‌ناوڕاس به‌غداى پايته‌خت.
له‌ى باوه‌ته‌و، ماڵپه‌ڕ كه‌ناڵ "ئه‌لحوڕه"ى ئه‌مريكى له زووان سه‌رچه‌وه‌گه وت: وه‌گووره‌ى په‌يجووريه‌يل ئه‌وه ده‌ركه‌فتگه ك ميليشيايه‌يل عه‌سايب ئه‌هل هه‌ق سه‌ر وه ته‌هران وه‌رپرسن له كرده‌وه‌ى ئه‌و رفاننه ك له‌ناوچه‌ى جادريه ئه‌نجام دريا.
سه‌رچه‌وه‌گه وت: مه‌سه‌له‌ى رفانن ليوا ياسر عه‌بدولجه‌بار له‌وه‌ر ئه‌وه بويه ك وه‌پيداين 150 كورسى ره‌ته‌و كردگه ك حزبيگ سه‌ر وه عه‌سايب ئه‌هل هه‌ق هه‌وڵ چه‌سپاننى داگه له‌بانيان و داناينى له‌چوارچيوه‌ى خوه‌ندكاره‌يل په‌يمانگاى ناوبرياێ.
سه‌رچه‌وه‌گه هه‌ميش وت: حزب سادقون مه‌هانه‌ى ئه‌وه ئه‌گرێد ك 15 ئه‌ندام ديرێد و بايه‌سه هه‌ر ئه‌نداميگ 10 كورسى له‌و په‌يمانگاى په‌ره‌داين ئه‌منيه وه‌پى بدريه‌ێد ك ليوا ياسر عه‌بدولجه‌بار ره‌تيه‌و كرد وه ئه‌وه‌گ ئه‌و كاره چه‌واشه‌ى رينمايى و ياسايه‌يله.
