مالیکی مەنین واژەی "تەبەعی" ئەرا کوردەیل فەیلی ئیدانە کەێد و ئویشێد: مەترسن ئیوە کەمینە نیین
یەیش لە وتاریگ هات لە ڕێوڕەسم ساڵانەی یاد شەهید فەیلی وە بوونەی رووژ شەهید فەیلی وە پاڵپشتی موحسن مەندەلاوی سەرۆک ئەنجومەن نوێنەرەیل وە وەکالەت، وە هاوکاری دەزگای شەهیدەیل، وەئامادەبوین پەرلەمانی، حکومی، دیپلۆماسی، رووشنهویری و بەشداری کۆمەڵایەتی.
مالیکی وتیش، "رژیم وورین قێزەونترین تاوانی دژ وە کوردەیل فەیلی ئەنجامدا، کە یەکەمیان خوسەهاتن بوی، و دویەمیان تائیفی بوی، لەلایەن رژیم وەرین".
مالیکی وتیش “چارەسەر دەرئەنجامەیل بڕیارەیل رژیم وەرین دژ وە کوردەیل فەیلی نەکریا، لەوانە هەڵوەشانن ڕەگەزنامە، ئاوارەبوین، و ۆەفتکردن موڵک و ماڵ”، وتیش: “من هەناێ سەرۆکوەزیران بویم بڕیاریگ دەرکردم ئەرا لە ریگریکردن لە نویسین 'تەبەعی' لەبان ناسنامەی کورد فەیلی، بەڵام دویای ماوەیگ ئەرام دەرکەفت کە فرەیگ لە ئەفسەرەیل تا ئیسە ئەو واژە لەبان ناسنامەی خەڵک فەیلی نوبسن."
مالیک داوا کرد "نەک تەنیا یاد رووژ شەهیدی فەیلی بکریەێد، بەڵکم بایەسە وەدویاچگن ئەرا پرس کوردەیل فەیلی لە ناو و دەیشت عراق بکریەێد".
