مافه‌يل ئاده‌ميزاد داواى هه‌ڵوه‌شاننه‌وه‌ى سه‌ركردايه‌تى فه‌رمانده‌يه‌يل ئه‌كا
2020-05-25T16:35:33+00:00
شه‌فه‌ق نيوز/ كۆمسيۆن باڵاى مافه‌يل ئاده‌ميزاد له عراق، داواى هه‌ڵوه‌شاننه‌وه‌ى سه‌ركردايه‌تى فه‌رمانده‌يه‌يل و پشتگيريكردن ئه‌رك ئاسايش پاريزى ئه‌كا له‌ناو شاره‌يل ئه‌را هيزه‌يل ناوخوه‌يى ئه‌كا.
له‌ى باوه‌ته‌و، عه‌لى به‌ياتى ئه‌ندام كۆمسيۆنه‌گه له به‌ياننامه‌يگ ئه‌را ئاژانس شه‌فه‌ق نيوز وت: ئيسه وه‌خت ئه‌وه هاتگه سه‌ركردايه‌تيه‌يل فه‌رمانده‌يه‌يل له پاريزگايه‌يل هه‌ڵوه‌شيه‌ێده‌وه‌و دوسيه‌يل ئه‌منييان له‌ناو شاره‌يل راده‌س وه وه‌زاره‌ت ناوخوه‌يى بكريه‌ێد.
به‌ياتى هه‌ميش وت: ئى مه‌سه‌له ده‌سميه‌تده‌ره له يه‌كه‌وخستن بڕيار و مه‌رجه‌عيه‌ت هيزه‌يل ئه‌منى ك دوسيه‌ى ئه‌منى ئه‌گرنه ده‌س له‌ناو شاره‌يل و له‌وه‌ر كۆنرۆڵكردن پابه‌نديه‌يل و رينمايى و بڕياره‌يليگ ك له لايه‌نه‌يل باڵاوه ده‌رئه‌چن.
