ژمارەیەک پەیمانەیی.. عراق لە ماوەی ٧ مانگ وەبایی دەور ٥ ملیار دۆلار چشت لە ئیران هاوردە کردگە

شەفەق نیوز/ بەرژەوەندی گومرگەیل ئیران، ئمڕوو شەممە، راگەیان عراق ئەرا ماوەی ٧ مانگ گوزەیشتە، کەفتە نوای لیست دەوڵەتەیل هاوردەکار لە چشتەیل ئیران، لە ٢٠ ئادار تا ٢٠ تەشرین یەکەم.
ئاژانس خەوەری «فارس» نیمچە فەرمی ئیران، ئمڕوو، لە زووان مەهدی میرئەشرەفی وەڕێۆبەر بەرژەوەندی گومرگەیل ئیران وت: عراق ١٧ مەلیۆن و ٦٨٣ هەزار و٤١٤ تەن لە شمەک هاوردە کردگە وەبایی ٤ ملیار و ٨٥٤ مەلیۆن و ٩٩٢ هەزار دۆلار.
وتیش؛ ١٢ وڵات لە دەوڵەتەیل هاوسا لە ماوەی ٢٠ ئادار تا ٢٠ تەشرین یەکەم شمەک لە ئیران هاوردە کردنە ک خویان: عراق، ئەفغانستان، ئەرمینیا، ئازەربایجان، بەحرەین، کوەیت، عومان، پاکستان، قەتەر، تورکمانستان، تورکیا، ئیمارات.