ماکڕۆن سەردان عراق کەێد
شەفەق نیوز/ پێشبینە ک ئیمانوێل ماکڕۆن سەرۆک فەڕەنسا لە چوارشەممەی ئایندە سەردان عراق بکەێد، وەگورەی ئاشکراکردن سەرچەوەیلیگ حکومەتی لە عراق.
سەرچەوەیلیگ حکومەتی عراقی، ئمڕوو دووشەممە، ئاشکراکردن ک سەرۆک فەڕەنسا ئەوەسا لە چوارشەممەی ئایندە یەکەم سەردان فەرمی، ئەرا عراق کەێد، وەگورەی باس فڕانس پڕس.
سەرچەوەگان دیارکردن ک سەردانەگەی سەرۆک فەڕەنسا جوور نشانندانیگ تیەێد ئەر وسانن وەگەرد عراق لە روی ئی قەیرانە.
ماکڕۆن باڵا ترین وەرپرسیگە سەردان عراق بکەێد لەوەخت وەگردن موستەفا کازمی ئەرا سەرۆکایەتی حکەمەت، وسەردانەگەی یەک رووژ وەپی چوود، دویای سەردانی ئەرا بەیروت.
سەرچەوەیگ لە حکومەت عراق وت: ماکڕۆن ئەوەسا تیەێدە دیدار سەرۆک وەزیران و سەرۆک عراق، و ئومیدە ک گفتوگۆ وەگەرد سیاسیەیلیگ کاریگەر بکەێد.
لە وەختیگ دوو وەرپرس عراقی ئی سەردانە دووپاتکردن، کۆشک ئیلیزێه هیمان دووپاتی نەکردگە.
وەگورەی سەرچەوەیلیگ عراقی، سەردانەگە کەفێدە باوەت سەروەری عراق، لەسای رکگردن بەغداد لە سەروەخوەیی و دویری لە روی وەڕویبوین هەردوگ هاوپەیمانەگەی واشینتون و تەهران.
