ئمڕوو و سوو...واران "تاوسانە" ناوچە جیاوەزەیل عراق گرێدەو
2023-08-29T08:59:55+00:00
شەفەق نیوز/ پسپۆریگ کەشناسی عراقی، ئمڕوو سێشەممە، مەزەنەی وارینیگ "تاوسانە" کەێد لە ناوچە جیاوازەیل وڵاتەگە
سادق عەتیە لە پۆستیگ لەبان تووڕ کۆمەڵایەتی فەیسبوک لەباوەت نووگەریەیل کەشوهەوای ئمڕووی عراق وت، مەزەنەکریەد بەرق و بەڵاچە بوود وەرم دەرفەت واران وارین کە ناوچە جیاوازەیل نەینەوا و دهۆک و باکور هەولێر و باکور خوەرئاوای ئەنبار گرێدەو لە ئمڕوو و ئمشەو.
وتیش، یەیش سوو درویژەوو بوود وە شیوەی سووکیگ ئەرا کەرکوک و سلێمانی و باکوور سەڵاحەدین.
