ئەمیندارێتی ئەنجومەن وەزیرەیل داوا لە فەرمانبەرەیل کورد فەیلی کەێد سەردان وەزارەت کووچ بکەن
ئەمیندارێتی لە بەیاننامەیگ داوای ئاگادارکردن فەرمانبەرەیل لە کوردەیل فەیلی بکەن تا سەردان نویسینگە و لقەیب وەزارەت کووچ و کووچبەرەیل لە پارێزگایل خوەیان بکەن ئەرا تووومارکردن بەیاننامەیل فەرمییان لەناو یەک لیست، و گرنگی فرەیگ وەی باوەتە بیریەێد، لە بنەمای فەرمانەیل سەرۆک ئەنجومەن وەزیرەیل، و بڕیارەیل ئەنجومەن وەزیرەیل لەی باوەتە.
فەرمانگەی کاروبار ئەنجومەن وەزیرەیل و دەسەیل، داوا لە لایەنەیل پەیوەندیدار کرد کار وەگورەی فەرمانەیل و بڕیارەیل بکەن، و داتا نووەیل ئەرا وەزارەت دارایی و ئەنجومەن خزمەتکردن گشتی فیدراڵی وەکوتپڕ کل بکەن.
رژیم بەعس، لە کۆتایی هەفتایەیل و سەرەتای هەشتایەیل سەدەی گوزەشتە، دەسکردە هەڵمەت گەورەیگ ئەرا بارکردن کورد فەیلی و زەفتکردن ڕەگەزنامەی عراقییان، و دەسناین وەبان ماڵ و داراییان.
کوردەیل فەیلی، هەمیش کەفتنە وەر بارکردن و دەرکردن و دەسگیرکردن و کوشتن وبڕین لە سەردەم سەرۆک وەرین ئەحمەد حەسەن بەکر لە ساڵەیل ١٩٧٠ و ١٩٧٥، و لە پشتی سەدام حسێن لە ساڵ ١٩٨٠، و میژوونویسەیل نووڕین کە ئەو کردوەیلە لەبان مەزهەو و نەتەوەیی کورد فەیلی هات.
دادگای نەهیشتن تاوانەیل باڵا لە ساڵ ٢٠١٠، فەرمان لەبان تاوانەیل بارکردن و کوشتن و بڕین و زەفتکردن ماف کوردەیل فەیلی و بڕیگ لە تاوانەیل جینۆساید دەرکرد.
حکومەت عراق لە ٨ کانوونی یەکەم ٢٠١٠، بڕیاریگ دەرکرد کە وەگورەی پەیمان دەێد وە لاوردن کاریگەرییە بەدەیل لە ئەنجام وەئامانجگردن کوردەیل فەیلی، و لە یەک ئاب ٢٠١٠ بڕیاریگ لە ئەنجومەن نوێنەرەیل دەرچگ، کە بارکردن و سەرنقومکردن کوردەیل فەیلی وە تاوان جینۆساید دادە قەڵەم.
