مەندەلاوی: کوردەیل فەیلی کەفتنە وەر بەدترین کوشتن و بڕین و ستەم وەدەس رژیم وەرین

شەفەق نیوز/ جیگر یەکەم سەرۆک ئەنجومەن نوینەرەیل، موحسن مەندەلاوی، ئمڕوو سێشەممە، وت: کوردەیل فەیلی کەفتنە وەر بەدترین کوشتن و بڕین و ستەم وەدەس رژیم وەرین.

ئەوەیش لە دیداری وەرد شاندیگ نوینەر کۆنگرەی نیشتمانی گشتی کورد فەیلی وە سەرۆکایەتی تارق مەندەلاوی هات، وەگورەی بەیاننامەیگ رەسیە ئاژانس شەفەق نیوز.

جیگر سەرۆک پەرلەمان لە دیدارەگە دەسخوەشی لەو رەنجەیل گەورە کرد لەلایەن ئەندامەیل کۆنگرەی نیشتمانی لە وەخت رمیان سەدام خوینی تا ئی مەوقە، لە رەسانن دەنگ ستەمدیدەی گەل وەشیوەی گشتی و کورد فەیلی وە تایبەت، ک کەفتنە وەر بەدترین کوشتن و بڕین و ستەم لە بارکردن و پەراویزخستن و گومابوین هاووڵاتیەیی لەماوەی ساڵەیل رژێم دیکتاتۆری، ولەیرا خوازیەێد گرنگی زیاتر وە گشت چینەیل بیریەێد ک کەفتنە وەر ستەم و وەدادیان بڕەسێەێد وەرانوەر ئەوەگ کەفتنە وەری.