مەرقەزکردن مووچەی فەرمانبەرەیل عراق ئەرا مانگ ئەیلوول
2022-09-19T09:19:16+00:00
شەفەق نیوز/ وەزارەت دارایی عراق، ئمڕوو دووشەممە، دەسکردن وە مەرقەزکردن سپۆنسەر مووچەی فەرمانەرەیل دەوڵەت ئەرا ئی مانگ ئەیلوولە راگەیان.
وەزارەتەگە لە بەیاننامەیگ رەسیە ئاژانس شەفەق نیوز وت: فەرمانگەی ژمێریاری لە وەزارەتەگە، ئمڕوو، دەسکردە مەرقەزکردن سپۆنسەر مووچەی وەزارەتەیل و لایەنەیل ک پەیوەندی وە وەزارەتیگ نەیرن، ئەرا ئی مانگ ئەیلوولە.
دیاری کرد ک فەرمانگەگە دووارە سپۆنسەر مووچەی مانگ ئەیلوول، ئەرا فەرمانبەرەیل دەوڵەت لە گشت وەزارەتەیل و ئەو لایەنەیلە مەرەقەز کرد ک پەیوەندی وە وەزارەتیگ نەیرن، ک هەر لە ئمڕوو دەسوەپی کەێد.
وەزارەتەگە بانگەوازی ئەرا گشت یەکەیل خەرجکردن سەروە وەزارەتەیل کرد سەردان بارەگای وەزارەت/ فەرمانگەی ژمێریاری وە گورەی خشتەی سەردانەگە بکەن تا دەس بکەنە ریکارەیل سپۆنسەرکردن.
