مەرەقەزکردن زاوای سەدام حسێن
2021-06-19T08:16:50+00:00
شەفەق نیوز/ وەزارەت داد عراقی، ئمڕوو شەممە، مەرەقەز توومەتبار (جەمال موستەفا عەبدولڵا سوڵتان تکریتی) شوی حەلای دوێەت سەدام حسێن، لەوەر کەمی بەڵگەیل تاوانکردنی.
وەگورڵی کتاویگ فەرمی لە فەرمانگەی چاکسازی لە وەزارەت داد، دادگای تاوانی ناوەندی عراقی، بڕیار پویچەڵکردن توومەتەیل لەبان تکریتی دا، وەگورەی فەرمانەیل مادەی ١٩٤ لە یاسای سزاکان، و مەرەقەزکردنی.
تکریتی پلەی رائید لە سوپای وەرین عراق داشت، ولە ٥٢ داواکریایەیل بوی لە رژیم سەدام، ک ئەمریکا بڕیار دەسگیرکردنیان دا.
