لەبەسانن پردیگ ، سەڵاحەدی ئاشکرای راسیەگە کەێد

شەفەق نیوز/ شانەی قەیرانەگە لە پارێزگای سەڵاحەدین، ئمڕوو دووشەممە، باس قەیەغەکردن لە رەدبوین بەرهەم کشتوکاڵی و حاڵەت مرۆڤایەتی و پزشکی وەرەو دیالە وبەغداد رەتکرد، لە ری پردیگ گرنگ ك وەرجە دوو هەفتە بەسیا.
عامر عبدلهادی مەڕهوون ئەندام قەیرانەگە وقایمقام قەزای بەلەد ئەرا ئاژانس شەفەق نیوز وت: شانەی قەیرانەگە لە پارێزگاگە ولەبان رینمای دەسەی باڵای سەڵامەتی پرد سندیە بەساد، ک دیالە وسەڵاحەدین وه‌یه‌كه‌و بەسێدەو، لەوەر نواگردن پەتای کۆڕۆنا وەرەو پارێزگاگە چوینکە تویشهاتن لە قەزای خاڵس هاوسنور وەل سەڵاحەدین هەس.
مەڕهوون دیاری کرد ک بەرهەم کشتوکاڵی وحاڵەتەیل پزشکی ومرۆڤایەتی وەخشیاگە لە بڕیار قەیەغەی رەدبوین وگورەی پلانیگ هەماهەنگ وتەندروسی توکمەیگ لەنواگردن هەر تویشهاتنیگ لە دیالە ئەرا سەڵاحەدین.
هەمیش وت؛ تویشهاتن ڤایڕۆس کۆڕۆنا فره‌یان لە دەیشت پارێزگاگە هات، لەڕی ئەوانەیگ ئه‌را سەردانە کۆمەڵایەتیەگان هاتنەناو، وترسیمن لە بەرزەوبوین تویشهاتنەگە تا سنوریگ کاریگەر.
پارێزگای سەڵاحەدین دویای زیایبوی تویشهاتن وە ڤایڕۆس کۆڕۆنا لە بڕیگ کەرت وەڕیەوبەری پارێزگاگه‌، وەرجە دوو هەفتە پرد سندیە بەسا، ک کەفێدە بان رووبار دیجلە، ودیالە وسەڵاحەدین وه‌یه‌كه‌و بەسێدەو.