لە نوای چەو '' نەزاهە'' پەنج ساڵە فڕۆکەخانەیگ رووشنایی وه‌خوه‌ی نەدیه
2020-07-19T14:58:39+00:00
شەفەق نیوز/ علی بدێری نوێنەر دیوانیە ، ئمڕوو یەکشەممە، ئاشکرا کرد لە هەواڵەکردن پرۆژەی دامەزرانن فڕۆکەخانەیگ بازرگانی لە پارێزگاگە ئەرا دەزگای دەسپاکی '' نەزاهە''.
بدێری ئەرا ئاژانس شەفەق نیوز وت: حکومەت خۆجێی وەرین لە ٢٠١٥ گریەبەسیگ واژوو کرد وەل کۆمپانیای ناسریەی کوەیتی ئەرا دامەزرانن فڕۆکەخانەی بازرگانی دیوانیە، وە بایی ٤٣٠ مەلیۆن دۆلار، ئەرا جیوەجیکردن پڕۆژەگە لە سێ قۆناغ و ئەرا ماوەی پەنج ساڵ.
وتیش؛ دامەزرانن فڕۆکەخانەگە پێشەکی هەڵمەت هەڵبژاردنەگە بوی، و پڕۆژەگە دویرە لە راسی، و باوەتەگە هەواڵەکریا دەزگای دەسپاکی ئەرا لێکۆڵینەوە. ئەنجومەن وەزیران لە ئایار ساڵ ٢٠١٥ دەنگدا لەبان دەسکردن وە دامەزرانن فڕۆکەخانەی ناودەوڵەتی دیوانیە، لە ماوەی '' چەن ساڵێگ''.
