لە سێ پارێزگای عراقی 15 تویشهاتگ نوو تۆمار كریا

شەفەق نیوز/ سێ پارێزگای عراقی، ئمڕوو سێشەممە، ١٥ تویشهاتگ نوو وە ڤاێڕۆس کۆڕۆنا تۆمار کرد.
سەرچەوەیگ پزشکی ئەرا ئاژانس شەفەق نیوز وت؛ پارێزگای نەجەف ئمڕوو ٥ تویشهاتگ نوو وە ڤاێڕۆس کۆڕۆنا تۆمار کرد، و پارێزگای کەربەلا ٦ تویشهاتگ.
سەرچەوەیگ تر ئەرا ئاژانس شەفەق نیوز باس کرد؛ ک پارێزگای نینەوا ٤ تویشهاتگ تۆمار کردگە.
شانەی قەیران نه‌ینەوا، ئمڕوو سێشەممە، بڕیار چەسپانن قەیەغەی تەندروسی دا، لەبان ناوچەی کلوات لەلا راسینەی مووسڵ، ک یەکەمین ناوچەس لە پارێزگاگە ك بچوودە ناو کەرەنتینەی ناوچەیی، ئەویش دویای راگەیانن لە تۆمار ٢٢ تویشهاتگ لە پارێزگاگە، ك فرەیان لە تورکیا هاتنه‌سه‌و .
وەزارەت تەندروسی عراق، دویەکە دووشەممە، تۆمارکردن ١٦٣ تویشهاتن نوو وە ڤاێڕۆس کۆڕۆنا راگه‌یان ك ٢٢ لەلیان لە پارێزگای نه‌ینەوان، تا ژماره‌ی گشت تویشهانەیل بوودە ٤٦٣٢ ، ٢٨١١ كه‌سیان خاسەوبویە، و ١٦٣ مردنه‌، وگشت خەفتگەیل خەسەخانەگان بویە ١٦٥٨ کەس.