لە بەغداد کەسیگ شەش کەس لە خێزانێگ کوشت و زەخمدار کرد
شەفەق نیوز/ راگەیانن پۆلیس فریاکەفتن بەغداد، ئمڕوو چوارشەممە، راگەیان؛ دەسگیرکردن کەسیگ ک شەش کەس لە یەک خیزان کوشت و زەخمداری کرد لە پشت مرافەیگ کۆمەڵایەتی.
راگەیانن فریاکەفتنەگە لە بەیاننامەیگ رەسیە ئاژانس شەفەق نیوز وت: دەوریەیل فریاکەفتن نەهرەوان دەسوسەر کەسیگ کردن توومەتبارە وە تەقەکردن لەبان ماڵ قەومەیلی لەوەر مرافەیگ خیزانی، ک بویە هووکار کوشتن یەک کەس و زەخمداری پەنج لە کەسەیل خیزانەگە، و ئیجا وای.
بەیاننامەگە دیاریکرد؛ وەکوتپڕ دەوریەگان وەرەو شوون ڕووداوەگە چگن و دیاردا ک توومەتبارەگە وە ماشین ''کەیا بیستا'' جوولە کەێد، و وتیش؛ زەخمدارەگان بریانە خەسەخانە، و شیوەی کەسەگە و ماشینەگە دریا گشت دەوریەگان لە ناوچەگە.
بەیاننامەگە هەمیش وت: دویای ماوەی کەمیگ لە خاڵ عەمار بن یاسر دەسوسەر کریا ، ولە وەشکنین ماشینەگە دوو تفەنگ کلاشینکۆف دینەو، و ئەرا تەواوکردن لێکۆڵینەوەگان رەوانەی لای لایەنە پەیوەندی دارەگان كریا.
