لە بەسرە.. دەسڵات رازیە ومەردم ناڕازیه لە گرانی ونەداری.
شەفەق نیوز/ وەڕیەوبەرایەتی دژە تاوان رێکخریاگ لە بەسرە ئه‌را چەودێری بازاڕەیل ودوکانیه‌ل خواردەمەنی لەپارێزگاگە ونه‌هیشتن بەرزەبوین نرخ وەل هاتن مانگ رەمەزان لە کارەیل خوەی رازییه ، و مەردم وچشت فروشەیل لە گرانی ونا پابەندبوین وه نرخه‌یل نارازین.
موشتاق تمیمی وەڕیەوبەر دژە تاوان رێکخریاگ لەبەسرە لە قسەیگ ئەرا شەفەق نیوز وت: دەزگایه‌یل ئەمنی توانستنه چەودێری لە خواردەمەنی فروشه‌یل بکەن وسزادان فرەیگ ئه‌وانه بده‌ن ك ک پاپای یاسای نرخ نەوینە، وتیش نامەیلیگ فرە وەپیمان رەسێد وەزوی مامەڵە وەلیانەو کەیمن، و ده‌س وه‌بان برێ فرەێگ خواردەمەنی وەخت وسەرچگ گرتیمنه.
لە وەرانەوەر یه ئەبو کەوسەر ک هاوێلاتییکه ئەرا شەفەق نیوز بیزاری خوەی لە بەرزەوبوین نرخ خواردەمەنی وەرجه مانگ رەمەزان نیشان دا، و رخنه لە کار لایه‌نه‌یل وه‌رپرس له چەودێری گرت ک سزای خاوەن دوکانەیل نەیانه.
