ليژنه‌ى ياسايى پيشنياز هه‌مواركردنه‌وه‌ى ئه‌ندامه‌يل دادگاى ناوه‌ندى ره‌ته‌وكرد

شه‌فه‌ق نيوز/ ليژنه‌ى ياسايى نوێنه‌رايه‌تى، ئاشكراى ره‌ته‌وكردن پيشنياز سه‌رۆكايه‌تى كۆمار كرد له‌باره‌ى هه‌مواركردن شماره‌ى ئه‌ندامه‌يل ياساى دادگاى فيدراڵى و ئاماژه‌يش وه‌ وه‌رده‌وامى تاوتويكردن پرووژه‌ ياساگه‌ كرد له‌وه‌ر ئاماده‌كردن ئه‌را ده‌نگداين له‌بانى.

له‌ى باوه‌ته‌و، سائيب خدر ئه‌ندام ليژنه‌گه‌ ئه‌را ئاژانس شه‌فه‌ق نيوز وت: سه‌رۆكايه‌تى كۆمار وه‌رجه‌ رووژه‌يليگ پيشنيازيگ له‌و باوه‌ته‌و ئاراسته‌ى ئه‌نجومه‌ن نوێنه‌ره‌يل كردگه‌، وه‌لێ ليژنه‌ى ياسايى ره‌تيه‌و كردگه‌و كليه‌و كردگه‌ ئه‌را سه‌رۆكايه‌ى كۆمار وه‌ ئه‌وه‌گ چه‌واشه‌ى ده‌ستووره‌.

خدر هه‌ميش وت: ئه‌نجومه‌ن نوێنه‌ره‌يل له‌ ماوه‌ى گوه‌يشت خوه‌نين يه‌كه‌م و دويه‌م ئه‌را پرووژه‌ ياساى دادگاى فيدراڵى كووتايى وه‌پى هاوردگه‌.