ليژنه‌ى ده‌سپاكى: كاره‌با جوور خوه‌ى مينێد

زوبێدى له‌ به‌ياننامه‌يگ ك(شه‌فه‌ق نيوز)ئاگادارى بوى، وت: خاسه‌وبوين كاره‌با خه‌ويگه‌و مه‌حاڵه‌ى جيوه‌جى بدێ له‌ حاڵه‌تيگ ئه‌گه‌ر گه‌ناته‌كارى له‌تى جوور خوه‌ى بمينێد و جه‌خت له‌وه‌يش كرد ك ئيمه‌ هه‌وه‌جه‌ وه‌ شووڕشيگ ديرێم ئه‌را خاسه‌وكردن باره‌گه‌و لاوردن ئى قه‌يرانه‌ له‌ڕى برياره‌يل راسكانى و له‌ناوبردن گه‌ناته‌كاره‌يل.

زوبێدى باس له‌وه‌يش كرد ك حكومه‌ته‌يل وه‌رين ملياره‌ها دۆلار ته‌رخان كردن ئه‌را كاره‌با وه‌بى ئه‌وه‌گ چاره‌سه‌ريگ راسكانى له‌ به‌رهه‌مى ئه‌نجام بگرێد، به‌ڵكوو له‌ ساڵ گوزه‌يشت بڕ ئه‌و به‌رهه‌ميشه‌ داوه‌زى و له‌يوا كرد ك هاووڵاتيه‌يل متمانه‌يان نه‌مينێد وه‌ حكومه‌ت و ئه‌ركه‌يلى.