له‌ناونيان عراق.. چين كه‌ره‌نتينه له‌بان هاووڵاتيه‌يل 25 ده‌وڵه‌ت چه‌سپان
شه‌فه‌ق نيوز/ ناوچه‌ى "غوانغدونغ" له باشوور چين، كه‌ره‌نتينه‌كردن له‌بان ئه‌و هاووڵاتيه‌يله چه‌سپان ك له 25 ده‌وڵه‌ته‌و روێ له ناوچه‌گه كردنه‌و ڤايرۆس له‌تيان تۆمار كرياگه، له‌ليانيش عراق.
بڕياره‌گه له‌لايه‌ن هێڵه‌يل ئاسمانى باشوور چين له زووان ناوچه‌ى "غوانغدونغ" بڵاو كريا وه‌ناونيشان" وشدارى گه‌شتكردن له هێڵه‌يل ئاسمانى باشوور چين".
جى باسه حكومه‌ت ناوچه‌گه له به‌ياننامه‌يگ ئه‌وه ده‌رخستگه ك گشت گه‌شته‌يليگ هاتگ له "غوانزو" ئه‌خريه‌ێده كه‌ره‌نتينه ئه‌را ماوه‌ى 14 رووژ دوياى ره‌سينيان ئه‌را شاره‌گه ك سه‌رنشين 25 ده‌وڵه‌ت ئه‌گرێده‌وه‌و پيكهاتنه له: كؤرياى باشوور و يابان و ئيران و ئيتاڵيا و فره‌نسا و ئه‌ڵمانيا و ئسپانيا و سه‌نگافوره‌و وڵاته‌يل يه‌كگرتگ و كوه‌يت و به‌حره‌ين و تايله‌ند و شانشين يه‌كگرتگ و ئوستراليا و سويسرا و ماليزيا و نه‌رويج و كه‌نه‌دا و عراق و ئيمارات و ڤێتنام و نه‌مسا و سويد و هۆڵه‌ندا و روسيا.
