له مه‌يدان خوه‌يشنيانداين له باشوور عراق 3 كه‌س كوشيان و زه‌خمدار بوين
شه‌فه‌ق نيوز/ سه‌رچه‌وه‌يگ وه‌رپرس ئه‌منى، ئاشكراى كه‌فتنه‌وه‌ى ناكووكييگ كرد له مه‌يدان خوه‌ينيشانداين حه‌بووبى له‌ناوڕاس شار ناسريه پايته‌خت ناوچه‌يى پاريزگاى زيقار له باشوور عراق ك له‌تى دو كه‌س كوشيانه‌و يه‌كيگيش زه‌خمدار بويه.
سه‌رچه‌وه‌گه ئه‌را ئاژانس شه‌فه‌ق نيوز وت: ده‌مه‌و شه‌وه‌كى ئمڕوو جه‌نگيگ له مه‌يدان حه‌بووبى له ناسريه روێداگه‌و بويه‌سه هووكار كوشيان دو كه‌س و زه‌خمداربوين كه‌سيگ تر ك جيواز كرياگه ئه‌را نه‌خوه‌شخانه‌و حاڵه‌ت ته‌ندروستيى سه‌خته.
سه‌رچه‌وه‌گه وت: دو كه‌س چينه‌سه ناو مه‌يدان خوه‌ينيشانداينه‌گه‌و ده‌سدريژى كردنه‌سه بان كه‌سه‌يليگ له‌ناو مه‌يدانه‌گه‌و دوياخريش براى يه‌كيگ له‌و كه‌سه‌يله ك ده‌سدريژى كرياسه بانى هاتگه‌و ته‌قه له ده‌سدريكه‌ره‌يل كردگه‌و دووان له‌ليان كوشتگه و يه‌كيگيش زه‌خمدار كردگه.
