له كه‌مپێگ ئاواره‌یل سامه‌ڕا مناڵێگ له گه‌رمیا گیان سپارد
2015-05-22T14:09:10+00:00
ئه‌و كاروه‌ده‌سه وه "شه‌فه‌ق نیوز" وتگه: دويه‌ته‌گه ناوێ(ته‌باره‌ك عه‌باس فازل)ه و وه‌ل خانه‌واده‌گه‌ێ له كه‌مپێگ شار سامه‌ڕا بويه و له‌ئه‌نجام به‌رزی پله‌ێ گه‌رما گیانێ له‌ده‌سداس.
زیاتر وتگه: كه‌مپ حه‌ی جامعه ك مناڵه‌گه گیانێ له‌تێ له ده‌سداس، كه‌مترین هه‌وه‌جه‌یل ژیان له‌تێ نییه و یه‌یش بويه‌سه بایس ئه‌وه‌گ مناڵه‌گه گیانێ له ده‌س بیا.
له پاره‌كه‌وه ك چه‌كداره‌یل ڕێكخراو تيرۆريستی داعش به‌شه‌یل فریه‌ێگ له خاك باكوور و خوه‌رئاواێ عراق داگیر كرد، نزیكه‌ێ 3 ملیۆن عراقی ئاواره بوين.
وه‌گوره‌ێ ڕاپۆرته‌یل، واین مه‌ردم له ناوچه‌یل جه‌نگ وه‌رده‌وامه و هه‌فته‌ێ گوزه‌یشته له ئه‌نجام تونده‌وبوين جه‌نگ له ناونی داعش و هێزه ئه‌منیه‌گان له ناوچه‌یل جوورا‌وجوور پارێزگاێ ئه‌نبار وه‌تایبه‌ت له رومادی، شه‌پۆل تازه‌ێگ له مه‌ردم ئه‌و ناوچه‌یله كووچ كردنه‌و ئه‌ڕا ناوچه‌یل ئارامتر ئاواره بوينه.
