له دياله دو تاوه‌ر كاره‌با ته‌قنرياوه‌و يه‌كيگيش زه‌ره‌د له‌لى كه‌فت
شه‌فه‌ق نيوز/ سه‌رچه‌وه‌يگ ناوچه‌يى له دياله، ئاشكراى ئه‌وه كرد تيرۆريسته‌يل ريكخرياگ داعش ده تاوه‌ر كاره‌با ته‌قاننه‌سه‌وه‌و يه‌كيگيش وه نيمه ويران كردنه له ده‌ورگرد ناحيه‌ى مه‌نسوريه وه دويرى 45 كم له باكوور خوه‌رهه‌ڵات باقووبه.
ئه‌و سه‌رچه‌وه ئه‌را ئاژانس شه‌فه‌ق نيوز وت: تيرۆريسته‌يل داعش دو تاوه‌ر كاره‌با ته‌قاننسه‌وه‌و زه‌ره‌ديش له تاوه‌يگ تر دانه له‌ڕێ مين له‌چاڵنرياێ له ئاوايى تينه له باكوور مه‌نسوريه ك ئه‌و تاوه‌ره‌يله خه‌ت جيوازكه‌ر وزه‌ن له‌ناونى مه‌نسوريه - كه‌ركوك و ئه‌را ماوه‌ى دريژيگ ئه‌دێده هووكار بڕيان كاره‌با له چه‌ن ناوچه‌يگ له دياله‌و كه‌ركوك.
سه‌رچه‌وه‌گه هه‌ميش وت: هيزه‌يل ئه‌من و حه‌شد و رووڵه‌يل عه‌شاير هه‌ڵمه‌تيگ گه‌ردين و وشكانن ده‌س وه‌پيكردنه ئه‌را دوينستنه‌وه‌و ده‌سگيركردن ئه‌وانه‌گ ئه‌و كاره ئه‌نجام دانه، وه‌لێ ئه‌و تيرۆريسته‌يل واينه ئه‌را شوونيگ ناديار.
