له دياله ته‌رم كه‌سيگ دوينرياوه‌و يه‌كيگيش مه‌ده‌نى وه گوله‌ى چه‌كداره‌يل كوشيا
2020-05-15T10:29:06+00:00
شه‌فه‌ق نيوز/ سه‌رچه‌وه‌يگ ئه‌منى له دياله، ئاشكراى دوينستنه‌وه‌ى ته‌رم كه‌سيگ كوشياى كرد له‌وه‌ختيگ ك چه‌كداره‌يليگ په‌لامار كه‌سيگ مه‌ده‌نى دان له پاريزگاگه له‌ساى بارودوخيگ گرژ ئه‌منى.
ئه‌و سه‌رچه‌وه ئه‌را ئاژانس شه‌فه‌ق نيوز وت: هيزه‌يل ئه‌منى ته‌رم كه‌سيگ كوشياى له نزيك ده‌رياچه‌ى دياله دينه‌سه‌و ك هيمان هووكاره‌يل كوشتنى ئاشكرا نيه‌و ئاماژه وه‌يه‌يش كرد ك ئه‌و ته‌رمه جيواز كردنه ئه‌را دادوه‌رى پزيشكى و په‌يجوورى له‌باره‌يه‌و واز كرياگه له‌وه‌ر زانستن هووكاره‌يل ئه‌و رويداگه.
له‌لايگ تره‌و سه‌رچه‌وه‌يگ ئه‌منى ئه‌را ئاژانس شه‌فه‌ق نيوز وت: چه‌كداره‌يليگ نه‌ناسرياێ وه ماتۆڕسكڵيگه‌و كه‌سيگ مه‌ده‌نى له ئاوايى ئه‌بو حسێوه له ناحيه‌ى وه‌جيهيه‌ى سه‌ر وه قه‌زاى شاره‌بان كوشتنه‌و واينه وه‌ره‌و شوونيگ ناديار.
