له دو رويداگ جياجيا له دياله 3 كه‌س مردن و زه‌خمدار بوين
2020-05-28T10:49:23+00:00
شه‌فه‌ق نيوز/ وه‌رپرسيگ ناوچه‌يى له دياله، ئاشكراى مردن دو جايه‌ڵ جوان كرد له رويداگيگ هاتوچوو له ناحيه‌ى قازانيه له خوه‌رهه‌ڵات دياله، كارمه‌نديگيش له ده‌روازه‌ى مه‌نه‌لى له‌لايه‌ن بريگ چه‌كداره‌وه له‌ناونى هه‌ردوگ ناحيه‌ى مه‌نه‌لى و قازانى زه‌خمدار كريا.
له‌ى باوه‌ته‌و، مازن ئه‌كره‌م وه‌ڕيه‌وبه‌ر ناحيه‌ى قازانيه ئه‌را ئاژانس شه‌فه‌ق نيوز وت: دو جايه‌ڵ له‌ئه‌نجام رويداگيگ هاتوچوو و وه‌يه‌كاكيشان دو ماتۆڕسكڵ له ده‌ورگرد ناحيه‌گه مردنه.
باس له‌وه‌يش كرد ده‌سڵاته‌يل ئه‌منى په‌يجوورى له رويداگه ئه‌كه‌ن ئه‌را ده‌رخستن هووكار و كه‌فتنه‌وه‌ى ئه‌و روێداگه.
