له ده‌ورگرد خانه‌قين ده‌سكريا راوناين داعش
2020-06-03T10:17:28+00:00
شه‌فه‌ق نيوز/ سه‌رچه‌وه‌يگ ئه‌منى ئاشكراى ئه‌وه كرد هيزه‌يليگ له پۆليس و حه‌شد شه‌عبى ده‌سكردنه‌سه راوناين چه‌كداره‌يل داعش له ده‌ورگرد قه‌زاى خانه‌قين وه دويرى 105كم له باكوور خوه‌رهه‌ڵات باقووبه.
سه‌رچه‌وه‌گه ئه‌را ئاژانس شه‌فه‌ق نيوز وت: ئامانج له‌و پرووسه‌ى سه‌ربازيه ئه‌وه‌سه ده‌ورگرد قه‌زاى خانه‌قين له سه‌رچه‌وه‌و شانه‌يل تيرۆريستى پاكه‌و بكريه‌ێد ك هه‌ڕه‌شه له ئاسايش هاووڵاتيه‌يل و كه‌رته‌يل ئه‌منى و حه‌شد شه‌عبى ئه‌كا.
سه‌رچه‌وه‌گه ئاماژه وه‌يه‌يش كرد پۆليس خانه‌قين و هيزه‌يليگ له سوپا و ليوايه‌يل حه‌شد جوور ليواى 20 و 23 و 110 پرووسه‌يليگ گه‌ردين و وشكانن له ئاوايه‌يل ئيمام عه‌باس و عالياوه و معدان له قه‌زاى خانه‌قين ئه‌نجام دانه ئه‌را له‌ناوبردن پاشماوه‌يل داعش.
