له "به‌غدا" ته‌قه له خوه‌ينيشانده‌ره‌يل كريا و له "ميسان"يش سه‌ركرده‌ى پۆليس لاوريا
شه‌فه‌ق نيوز/ هيزه‌يل ئه‌منى له به‌غداى پايته‌خت ته‌قه له خوه‌ينشانده‌ره‌يل كردن و غاز ئه‌سرڕشن وه‌رانوه‌ريان هاوردنه كار له هه‌وڵيگ ئه‌را چويچانن خوه‌ينيشانداينه‌يل له دو مه‌يدان له ناوڕاس به‌غداى پايته‌خت.
له‌و باوه‌ته‌و، سه‌رچه‌وه‌يگ له پۆليس و شايه‌تحاڵه‌يل ئه‌را شه‌فه‌ق نيوز وتن: هيزه‌يل ئه‌منى پيشڕه‌وى كردنه وه‌ره‌و مه‌يدان وه‌سبه وه‌ره‌و مه‌يدان خه‌ڵانى و ته‌قه‌يش له خوه‌ينيشانده‌ره‌يل كردنه و بۆمب غاز ئه‌سرڕشن وه‌رانوه‌ريان هاوردنه‌سه كار.
جى باسه، خوه‌ينيشانده‌ره‌يليش دويه‌كه شه‌ممه ناچار هيزه‌يل ئه‌منى كردن پاشگه‌ز بوونه‌وه‌و نه‌چن وه‌ره‌و نزيك هه‌ردوگ مه‌يدان ناوبرياێ له‌ناو جه‌رگه‌ى به‌غداى پايته‌خت.
له باشوور عراقيش ياسين ياسرى وه‌زيرى ناوخوه‌يى عراق فه‌ريق روكن محه‌مه‌د به‌ياتى راسپارد ئه‌را پۆست سه‌ركرده‌ى پۆليس ميسان له‌جياى عه‌ميد عه‌بدولخزر ساعدى.
