پلانسازی عراق: ناوڕاس داهات تاکیگ لە ماوەی ساڵ ٢٠٢٠ رەسیە ٧ مەلیۆن دینار
2020-12-29T11:42:37+00:00
شەفەق نیوز/ وەزارت پلانسازی، ئمڕوو سێشەممە، ئاشکرا کرد ک ناوڕاس داهات تاکیگ عراقی لەماوەی ساڵ ٢٠٢٠ رەسیە ٧ مەلیۆن دینار.
لەو وەختە ک دووپاتکرد ک پەنامە داراییە ساڵانەگە لە عرتق لە ماوەی چوار ساڵ گوزەیشتە بەرزەو نەوی، پێشبینی کرد هەمیش ئەرا ئی مانگە لەوەر بەرزەوبوین نرخ دۆلار بەرزەو نەوود.
عەبدولزهرە هینداوی قسەکەر وەناو وەزارەتەگە ئەرا ئاژانس شەفەق نیوز وت: ناوڕاس داهات ساڵانەی تاکیگ وەدابەشکردن گشت بەرهەم نەتەوەیی لەبان ژمارەی دانیشتوەگان ژمێریاری کریەێد، ودیاریکرد ک ناوڕاس داهات تاکەگە ئەوە نییە ک گشت کەسیگ لە کۆمەڵگاگە خود داهاتەگە کەفێدە دەسی.
