پەلاماریگ لەبان کاروانیگ هاوپەیمانی ناودەوڵەتی لە باشوور عراق
2022-04-10T07:03:21+00:00
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە رۊیوەرۊ بۊن کاروان پاڵپشتی لۆجستیکی سەر وە هاوپەێمانی ناودەوڵەتی دژ وە رێکخریاگ داعش وە سەرۆکایەتی ئەمریکا وە تەقینەوە لە پارێزگای دیوانیە باشوور عراق.
سەرچەوەگە وە ئاژانس شەفەق نیوز خەوەردا، بۆمبیگ دروسکریای ناوخوەیی کاروان پاڵپشتی سەر وە هاوپەێمانی ناودەوڵەتی کردە ئامانج مەوقەی رەدبۊنی لە سنوور پارێزگای دیوانیە.
هۊچ رۊداویگ گیانی لە مابەین ڕزەیل کاروانەگە رۊنەیایە، و کاروانەگە وەرەو شۊن خوەی کەفتەڕی.
