لافاو دوو پیەڵ لە سەڵاحەدین بڕێد
2024-01-19T13:24:48+00:00
شەفەق نیوز/ وەرپرسیگ ناوخوەیی لە سەڵاحەدین، ئمڕوو جمعە، ئاشکرای بڕیان دوو پیەڵ لە باکوور خوەرئاوای پارێزگاگە کرد، لەوەر بەرزەبوین چەم دیجلە.
محمد زێدان وەڕیەوبەر ناحیەی زویە سەروە قەزای بێجی باکوور پارێزگای سەڵاحەدین ئەرا ئاژانس شەفەق نیوز وت: دوو پیەڵ زویە و فەتحە لەبان چەم دیجلە لەکار وسیان، دویای ئەوە کە ئاو لافاوەیل نقومیان کرد و یەکیگیان زەرەدمەن بوی.
دیاری کرد کە پیەڵ زویە دویای داوڵزیات ئاست ئاوەگە دووارە کەفتە کار، باوجی پیەڵ فەتحە لەکار وسیاس دویای ئەوە وە ئاو لافاوەیل زەرەدمەن بوی.
زێدان وتیش: پیەڵ زویە و فەتحە وەلایەن بازرگانەیل وە رەزامەنی حکومەت دروس کریا، وەرانوەر باج رەدبوین لە ٣٠٠٠ تا ٥٠٠٠ دینار، تا وەی دویاییە ئەو باجەیلە وەلایەن سەرۆک وەزیرەیل لاوریا.
