لەورەر قەرز پویلی...ئەفسەریگ لە سەڵاحەدین هاوڵاتییگ کوشێد
![لەورەر قەرز پویلی...ئەفسەریگ لە سەڵاحەدین هاوڵاتییگ کوشێد](https://media.shafaq.com/media/arcella/1670313421299.jpg)
شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو سێشەممە، خەوەردا لە مردن مەدەنییگ دویای ئەوەگ کەفێدە وەر گولەی ئەندامی ئەمنی لە وەخت مەرافیگ لەبان پویل لە قەزای سامەرا باشوور خوەرهەڵات تکریت.
سەرچەوەگە وە ئاژانس شەفەق نیوز خەوەردا، " مەرافیگ دروس بویە لە کویچەی (ئەفراز) لە قەزای سامەرا لە نیوان مەدەنیگ و ئەندامیگ ئەمنی وە مدووی ئەوەگ ئەندامەگە قەرزدار هاوڵاتی مەدەنیەگە بویە و رەسیەس ئەرا تەقەکردن وەدەوانچە وە لایەن ئەندامەگە وەبان مەدەنیەگە، دوو گولە نایەسە سەری، وە هووکارە ئەرا خەسخانە کلکریا و بارودۆخی ناجیگیرە، لە دویای چەن ساعەتیگ لەوەر زەخمداری سەختەگەی لە خەسخانەی تکریت گیان لە دەسدایە.
دیاریکرد، هێزەیل ئەمنی ئەندامەگە دەسگیر کردنە و لێکۆڵینەوە لە رویداوەگە وازکردن.