لەوەر پۆستیگ لەبان "فەیسبوک" کوشیان و زەخمداری 6 کەس وە مەرافەی سەختیگ لە باشوور عراق
2024-11-10T12:10:55+00:00
شەفەق نیوز/ سەرچەوەیگ لە پۆلیس ناوخوەیی، ئمڕوو یەکشەممە، کوشیان و زەخمداری شەش کەس راگەیان وە مەرافەیگ هووزانەی تون کە لە باکوور شار ناسڕیە دروس بویە ناوەن پارێزگای زیقار باشوور وڵات.
سەرچەوەگە وە ئاژانس شەفەق نیوز وت، وە لای کەم کەسیگ کوشیاس و پەنج کەسیش زەخمدارن لە ئەنجام مەرافیگ هووزانە کە شەوەکی ئمڕوو لە یەکیگ لە ئاوایەیل قەزای غوراف لە باکوور ناسڕیە ناوەن پارێزگاگە دروسبوی.
سەرچەوەگە وتیش، مەرافەگە لەناوەین هەردووگ لا رویدا لەوەر بڵاوکردن پۆستیگ لە فەیسبووک هێزە ئەمنیەیل رەسینە ئەرا کۆنترۆلکردن رویداوەگە.
