لەوەر گەرمی.. خنکیان سێ کوڕ لە باشوور عراق

شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە خنکیان سێ کوڕ لە ناوچەیلیگ جیاجیا لە پارێزگاگە.   

سەرچەوەگە ئەرا ئاژانس شەفەق نیوز وت: دوو خنکیان لە قەزای فەجر باکوور پارێزگای زیقار توومار کریا، یەکەمەگە کوڕیگ لەداڵگبوی ٢٠٠٦، ودویەمەگە کوڕیگ لەداڵگبوی ٢٠٠٩، ویەکیگ لە تەرمەیلە دراوریا، وهیمان مینەی ئەوەکە کەن.  

وتیش: خنکیانە سێیەمەگە لە ناحیەی فەزلیەی باشوور پارێزگاگە بوی، ئەوەیش کوڕیگ بوی لەتەمەن ١٣ ساڵان، لەناو چەم حلو خنکیا، وتا ئیسە مینەی تەرمەگەی کەن.