لەوەر دووارەوبوین دەسدرویژیکردن.. کادرەیل تەندروسی لە خانەقین وسیانیگ ناڕەزایی کەن
2022-10-16T09:37:51+00:00
شەفەق نیوز/ کادرەیل تەندروسی لە خانەقین، ئمڕوو یەکشەممە، وسیانیگ ناڕەزایی لەوەر دووارەوبوین دەسدرویژیکردن لەبانیان ونەوین ریکارەیل مقەیەتیکردنیان ڕێک خستن.
سەرچەوەیگ پزشکی ئەرا ئاژانس شەفەق نیوز وت: شمارەیگ لە کادرەیل تەندروسی لە خانەقین وسیانیگ ناڕەزایی لەوەر ئەو دەسدرویژیکردن وەردەوامە ڕێک خستن ک لەلایەن سەردانکەرەیل تیەێد ک لە کار کادرەیل تەندروسی نیەزانن.
وتیش: وسیانەگە لەپشت ئەوە هات ک چەن کەسیگ ئامیرەیل پزشکی ناو خەسەخانەگە شکانن، دویای مردن بیماریگ لەناو خەسەخانەی خانەقین.
وەگورەی سەرچەوەگە، کادرەیل تەندروسی وپزشکی داوای مقەیەتیکردنیان لە دەسدرویژی کردن، و نواگردن هەرکەسیگ تەقەلای دەسدرویژی بەێد، ئەرا مقیەتیکردن سام دامەزراو تەندروسی و ئەو خزمەتەیل گەورە ک پیشەکەشی کەن.
