کلگ ئەندامیگ ئەمنی وە دگانی بڕیە...پۆلیس "قەبگریگ" لە زیقار دەسگیرکەێد
2023-12-30T11:29:50+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە دروسبوین مەرافەیگ لەناوەین پۆلیس ناوخوەیی و هاوڵاتییگ، وە بڕیان (کلگ) یەکیگ لە ئەندامەیل پۆلیس کۆتایی وەپی هاتییە لە ناسڕیە ناوەن پارێزگای زیقار.
سەرچەوەگە وە ئاژانس شەفەق نیوز خەوەردا، "هێزەیل ئەمنی سەر وە پۆلیس فریاکەفتن هاتنەسە ناو جەنگەگە وەرد هاوڵاتیەگە لە ناوچەی شوعلە لەناوڕاس شار ناسڕیە ناوەن پارێزگاگە، لەمەوقەی دەسگیرکردن هاوڵاتیگ قەپ گرێد لە کلگەیل ئەندامیگ پۆلیس و بڕێدەێ".
سەرچەوەگە وتیش، " دەسوەجی هاوڵاتیەگە دەسگیرکردیە، ئەندام ئەمنیەگەش ئەرا نزیکترین بنکەی تەندروسی کلکریایە لەدویای بڕیان کلگی".
