جیگیر سەرۆک دەرمانخانەیل دکتۆر حەیدەر موئەزن لە بەیاننامەیگ رەسیە ئاژانس شەفەق نیوز وت، " وەزارەت تەندروسی نویسراویگ ئەرا فەرمانگەی کاروبار تەکنیکی کردیە و دووپاتکەێد نیەود قەترەی (تروبیکامید)بدریەد تەنیا لەرێ راچێت پزیشکیەو بوود،  لەوەر کاریگەری لاوەکیەگانی لە چوارچمگی کاریگەری لەبان جگەر و داوەزانن کێش و وسانن گورچگ دیرێد.

وتیش، " وەزارەتەگە لەمەوقەی وەدویاچگنی دوینێد ئێ قەترە وەلایەن بازرگانەیل مادەی هووشبەر وەکارتێریەێد وەگەرد مادەی موعەسەل قلیان تێکڵای کەن ک بوودە هووکار جویریگ لە ئالوودە بوین، وەی مدووە وەزارەتەگە دووپاتکەێد ک پێویستە  لەبان داوای پزیشکیگ تایبەت و راچێت پزیشکی بدریەد".

وتیش، " سەندیکای دەرمانخانەیل وەدویاچگن مەیدانیانە کەن ئەرا گشت دەرمانخانە و دەرمانەیلە کە کاریگەری لاوەکی زەرەردبەخشیگ دیرن"، وتیش" تیمەیل وشکنینیان هانە پەیوەنی وەرد وەزارەت تەندروسی ئەرا دویاچگن گشت ئەو باوەتەیلە مەترسی لەبان تەندروسی هاوڵاتیەیل عراقی دروس کەن".

هەمیش وت " ئەو دەرمانخانەیلە سەرپیچی رینمایەیل وەزارەت تەندروسی و سەندیکای دەرمانخانەیل کەن رویوەروی لیژنە کریەن و لیژنەگە بڕیاردەێد لەوەگ سزای گونجیایگ لەیبارە ئەرای دەربکەێد کە رەسێدە بەسن دەرمانخانەگە ئەرا ماوەیگ دیاریکریاگ".