لەناو ریکارەیل سەختیگ.. سەدریەکان وە کەفەن پووشی چنە ناو پەرلەمان
شەفەق نیوز/ ئەندامەیل ئەنجومەن نۊنەرەیل عراق، وەگەرد کاندیدەیل سەرۆکایەتی کۆمار، شەوەکی ئمڕوو شەممە، هاتنە ناو پەرلەمان لەناو ریکارەیل سەختیگ.
پەیامنێر ئاژانس شەفەق نيوز وت: ریکارەیل سەختیگ لەلایەن دەسەڵاتە ئەمنیەیلە لەناو ناوچەی خەزرا و دەورگرد ئەنجومەن نۊنەرەیل بریا، وەرجە ئەنجامدان دانیشتن هەڵوژاردن سەرۆک کۆمار، وتیش: دەروازەیل ناوچەی خەزرا تەنیا ئەرا خاوەن کارتە سەوزەیلە وازە.
وتیش: کاندیدەیل سەرۆکایەتی کۆمار هاتنە ناو بینای پەرلەمان، و دیاری کرد ک ئەندامەیل فراکسیۆن سەدری وە کەفەن پووشی هاتنە ناو.
پەیامنێرمان وتیش: کاندید سەرۆکایەتی کۆمار لە هاوپەیمان "انقاذ وطن" رێبەر ئەحمەد هەمیش رەسیە بینای پەرلەمان، و یەکەم کەسەیل ک رەسینە ناو پەرلەمان ئەندامەیل فراکسیۆن سەدری و فراکسیۆن پارتی دیموکراتی کوردستان بۊن.
بڕیارە دانیشتن پەرلەمان ئەرا دەنگدان وەبان سەرۆک کۆمار لە ساعەت یانزەی شەوەکی دەسوەپی بکەێد.
