لە ماوەی کەمتر لە ۷۲ ساعات...دۊیەم ئاگ لە کەمپ ئاوارەیل زاخۆ
2022-04-15T08:53:19+00:00
شەفەق نیوز/ شەوەکی ئمڕوو جومعە، ئاگر کەفتە کەمپ ئاوارەیلە لە ئیدارەی ناوچەی زاخۆ لە هەرێم کوردستان.
ئاگرەگە لە نزیگ ساعات نۆ شەوەکی ئمڕوو وە وەخت ناوخۆ کەفتیە لە ناو چادریگ لە کەمپ " باجد کندال" ک ئاوارەیل قەزای شەنگال گرێدە خوەی.
وەگورەی ئەو زانیاریەیلە ک وەدەس ئاژانس شەفەق نیوز کەفتیە، ئاگرەگە بیجگە لە زەرەد ماددی هۊچ زەرەردیگ گیانی یا زەخمداری لە دۊای نەۊیە.
تیم وەرگیری شارستانی لە ئیدارەی ناوچەی زاخۆ توەنستنە کۆنترۆل ئاگرەگە بکەن و کپی بکەن.
لە درەنگان وەختیگ رووژ چوارشەممە ئاگر کەفت لە سێ چادر ئاوارەیل شەنگال لە کەمپ "جەم مشکۆ" لە زاخۆ بۊیە هووکار مردن کەسیگ تەمەن 27 ساڵ و زەخمداری یەکیگتر.
