لەماوەی یەک مانگ.. نزیکەی 70 مردن وە رویداو هاتوچو لە بەغداد
2024-09-02T09:25:32+00:00
شەفەق نیوز/ فەرمانگەی پزیشک دادوەری سەر وە وەزارەت تەندروسی، ئمڕوو دووشەممە، ئاشکرایکرد لەماوەی مانگ گوزەشتە دەیان حالەت مردن وە رویداوەیل هاتوچو لە بەغدای پایتەخت توومارکریاس.
وەڕێوەبەر بەش وشکنین مردگەیل لە فەرمانگەگە، عەبدولوەهاب عەام لە بەیاننامەیگ رەسیە ئاژانس شەفەق نیوز وت، "لە راپۆرتیگ ئاماریگ فەرمی دەرچیە شمارەی گیان لەدەسدانەیل وە رویداو هاتوچو رەسیەس ئەرا 69 حالەت مردن وەپای لایەن لێکۆڵینەوە و دادوەری، بەشەوبوود لەناوەین پلیان ماشین و لەیەکەوداین رویداو هاتوچوی لەماوەی مانگ تەمووز گوزەشتە".
دیاریکرد "گیچەڵ رویداوەیل هاتوچوی لە هەرە دیارترین هووکارەیل گیان لەدەسدانە کە وڵاتەگە وەخوەی دوینێدێ لەوەر پابەند نەوین رانندەیل وە رێنمایەیل سەلامەتی".
