لەماوەی یەک مانگ.. عراق بایی ٥٦٥ مەلیۆن دۆلار شمەک ئیرانی هاوردە کەێد
2020-10-11T09:45:17+00:00
شەفەق نیوز/ رووحەلڵا لەتیفی، قسەکەر وەناو بەرژەوەنی گومرکەیل ئیرانی، ئمڕوو یەکشەممە، راگەیان؛ عراق لەماوەی مانگ ئەیلوول بایی ٥٦٥ مەلیۆن دۆلار شمەک ئیرانی هاوردە کردگە.
لەتیف لە بەیاننامەیگ وت: بڕ بازرگانی دەیشتەکی ١١ مەلیۆن تەن بایی ٥،٧٦٧ ملیار دۆلار لە مانگ ئەیلوول ٢٠٢٠ تۆمار کردگە، و دیاریکرد ک هەناردەگان ٨،٢٥٢ مەلیۆن تەن بوین لە بڕ بازرگانی دەیشتەکی بایی ٢،٦٩١ ملیار دۆلار وەرانوەر ٢،٦٩٠ مەلیۆن تەن هاوردە بایی ٣،٠٧٦ ملیار دۆلار.
وتیش: وڵات چین لەوەردەم لیست دەوڵەتەیل هاوردەکارویل شمەک ئیرانی بوی وە ٢،٢٦٧ مەلیۆن تەن بایی ٦٦٩ مەلیۆن دۆلار، ئیجا عراق وە ١،٤١٥ مەلیۆن تەن بایی ٥٦٥ مەلیۆن دۆلار، و ئیمارات وە ١،٢١٥ مەلیۆن تەن بایی ١٣٢ مەلیۆن دۆلار، و تورکیا وە ٣٨٩ تەن بایی ٢١٨ مەلیۆن دۆلار.
