لەماوەی 24 ساعەت.. 3 زەویلەرزە لە نزیک سنوور عراق توومارکریاس
2025-06-23T13:03:29+00:00
شەفەق نیوز/ بەش توومار زەویلەرزەیل لە دەسەی گشتی زەویلەرزەناسی، ئمڕوو دووشەممە، راگەیان سێ زەویلەرزە توومارکردنە لەماوەی 24 ساعەت وەرین لەناوچە هاوسنوورەیل عراق.
لە بەیانیگ بەشەگە رەسیە ئاژانس شەفەق نیوز راگەیان، "لەرزەیل بەشەوبوون وەبان دوو لەرزە ناوچەیل باشوور خوەرهەڵات تورکیا نزیک سنوور عراق تورکیا، یەکیگ لە ناو زەوی ئیران خوەرئاوای وڵاتەگە".
دیاریکرد، "هاز لەرزەیل لەناوەین 2.4 و2.7 پلە لەبان پەیمانەی رێختەرن، وەبی ئەوەگ کاریگەری وەبان زەوی عراق بیاشتوود یا زەرد گیانی یا مادی بڕەسنێد".
بەش زەویلەرزەیل دووپاتکرد، "دەسەگە وەردەوامە لە وەدویاچگن لە زەویلەرزەیل ناوچەگە، و داوا لە هاوڵاتیەیل کەێد چەودێری راپۆرتەیل فەرمی بکەن کە لەدەسەگە دەرچوود لەبان دویا پیشهاتەیل".
