کەلەمەی نوویگ لە بابل.. مردن خیزانیگ وە تەواوی لەئەنجام سزیان ماڵیان
2023-10-01T11:31:24+00:00
شەفەق نیوز/ پارێزگای بابل، ئمڕوو یەکشەممە، کەلەمەی نوویگ وەخوەی دی، کە خیزانیگ وە تەواوی شمارەیان شەش کەسە، لە ناحیەی مدحەتیە ناوڕاس پارێزگاگە وە هیزگردن ئاگر لەناو ماڵیان، گیانیان لەدەس دان.
سەرچەوەیگ ناوخوەیی ئەرا ئاژانس شەفەق نیوز وت: خانەوادەی (ساڵح ئەبو قەمەر جبوری) کە شەش کەس بوینە، لە ناحیەی مدحەتیە لە بابل، لە ئەنجام هیزگردن ئاگر لەناو ماڵیان گیانیان لەدەس دان.
وتیش: ئاگرەگە لە ئەنجام گیچەڵیگ لە وایەر سپلت ماڵەگە بویە، کە دویکەڵ خەسیگ لەلی هاتیە ئیجا ئاگرەگە زیایەو بویە، کە خیزانەگە نەتوەنستنە خوەیان قورتار بکەن.
