لە شنگال.. پەیاکردن ٦ کۆمەڵە قەورسان دەیان قوربانیەیل ئێزدی هاناوی
شەفەق نیوز/ نێچیروان سليمان قسەکەر دەزگای بەڵگەیل لە حکومەت هەرێم کوردستان، ئمڕوو سێشەممە، دراوردن تەرم ٤٧ ئێزدی لە قوربانیەیل ریخریاگ داعش لە قەزای شنگال راگەیان.
سلیمان ئەرا ئاژانس شەفەق نیوز وت: روفات قوربانیەیل لەناو شەش کۆمەڵە قەورسان لە ئاوای "قەنی" لە شنگال پەیا کریا، و لەلایەن تیمەیل پسپۆڕ وە وازکردن کۆمەڵە قەورسان دراوریان.
وتیش: ئیجا گولەی تفەنگ ودەوانچە لەناو قەورسانەگە پەیا کریا، و بریانە پزشک دادوەری لە بەغداد تا ناسنامەی قوربانیەیل دیاری بوود ئیجا ئەرا شنگال بریەن.
لەلای خوەییش خەیری عەلی وەڕیەوبەر ریخریاگ بەڵگەکان ئێزدی ئەرا ئاژانس شەفەق نیوز وت: تەگبیرە تیم نیشتمانی ک پەیوەندی وە وازکردن کۆمەڵە قەورسانەیل لە شنگال دیرێد، قەورسان "عەلو عەنتەر" لە ناحیەی عەیازیە خوەرئاوای تەلەعفەر واز بکەێد، ک روفات زیاتر لە ٢٠٠٠ قوربانی هاناوی، ویەکیگ لە گەورەترین کۆمەڵە قەورسانەیل قوربانیەیلە لە ناوچەگە ک وەدەس ریخریاگ داعش لەساڵ ٢٠١٤ کوشیانە.
جی باسە ک تیمەیل تایبەت وە وازکردن کۆمەڵە قەورسانەیل، تا ئیسە توەنستنە ٣٠ کۆمەڵە قەورسان لە بنچینەی ١٠٨ قەورسان لە شنگال واز بکەن.
