لە پشت پەلامارەگەی خانەقین لاوردن فەرماندەیگ سەربازی لە پۆستەگەی

شەفەق نیوز/ سەرچەوەیگ ئەمنی لە سوپای عراق، ئمڕوو یەکشەممە، خەوەردا لە دەرچگن فەرمان لاوردن فەرماندەیلیگ سەربازی، لە پشت پەلامارەگەی دوێەشەو داعش لە دەورگرد خانەقین ک ٧ قوربانی لە سوپا لە کوشیاگ و زەخمدار لەلی بویەو.

سەرچەوەگە ئەرا ئاژانس شەفەق نیوز وت: فەرمانەیلیگ لە وەزارت وەرگروە دەرکردن لیوا موغاویر لە ئۆپراسیۆنەگان دیالە دەرچگ ک هالە کەرتەیل وەرپرسایەتی لە حانەقین، و هەواڵەکردن ژمارەیگ لە ئەفسەرەگان ئەرا لێکۆڵینەوە، لە پشت پەلامارەگەی حەلوان و ئەو پێشێلکاریەیلە ک ناوچەیل دەورگرد خانەقین وەخوەیان دوینن.

سەرچەوەگە وتیش: هێزەیل ئۆپراسیۆنەگان دیالە- فیرقەی پەنجەم، هەڵمەتیگ وەشکین وماڵین فراوانیگ لەناوچەیل ناوبەین خانەقین و جەلەولا لە نزیک پوڵ حەلوان کرد، ئەوەیش لە پشت ئەو پەلامارە دژوە خاڵەیلیگ ئەمنی سەروە سوپا.