لە سلێمانی و میسان.. کوشیان کەسیگ وەدەس براگەی و خوەیکوشتن دویەتیگ
2023-04-30T13:19:52+00:00
شەفەق نیوز/ سەرچەوەیگ ناوخوەیی لە سلێمانی، ئمڕوو یەکشەممە، خەوەردا لە کوشیان کەسیگ وەدەس براگەی، لەبان مرافەی خیزانی کوینە، بە وەختیگ دویەتیگ وە شیوەیگ گومانلیکریاگ لە پارێزگای میسان خوەی کوشت.
سەرچەوەگە ئەرا ئاژانس شەفەق نیوز وت: کابرایگ باری خوەی لە گەڕەک خەبات لەناوڕاس شار سلێمانی وە دەوانچە کوشت، لەبان مرافەیگ کوینە.
وتیش؛ بکوشەگە خوەی دادە دەس پولیس.
لە میسان، سەرچەوەیگ پزشکی ئەرا ئاژانس شەفەق نیوز وت: دویەتیگ لە تەمەن ٢٩ ساڵان، لەناو ماڵەگەی لە ناوڕاس شار عمارە خوەی دادە سێدارە.
دیاری کرد ک هوکار خوەیکوشتنی چوودەو ئەرا مرافەیگ خیزانی، باوجی گومان لە شیوەی خوەیکوشتنەگە هەس، ک شایەت تاوانیگ بویە نەگ خوەیکوشتن، و دیاری کرد ک فەرمانگەی پزشک دادوەری لاشەی دویەتەگە لەلای خوەی هیشت، تا بڕەسێدە بندروس رویداوەگە.
