لە سلێمانی...هەواڵگیری عراقی سەرکردەیگ "داعش" دەسگیر کەێد بەشداری لە کوشتوبڕ سپایکەر کردیە

شانەگە لە بەیاننامەیگ رەسیە ئاژانس شەفەق نیوز وت، دەزگای هەواڵگیری نیشتیمانی عراق وەپش بەسین وە زانیاری هەواڵگیری هویردیگ و وە هەماهەنگی وەگەرد دەزگای دژە تیرۆر پارێزگای سلێمانی ئەرکیگ جویری ئەنجامدان و توەنستن تیرۆرست (عەبدولخالق خزعەل سولتان) دەسگیربکەن.

دەرچگە دەسگیرکریایەگە " لە ساڵ 2013 پەیوەنی کردیە وە داعش و بەشداری شمارەیگ ئۆپراسیۆن کردیە و لە پارێزگای سەڵاحەدین هیزەیل ئەمنی کردیەسە ئامانج، بەشدار بویە لە کوشتوبڕ سپایکەر و یەکیگ بویە لە جیوەجی کارەیل دژ وە قوربانیەیل ساڵ 2014، دویای لە پۆستیگ سەربازی  کارکردیە لە ولایەت دیجلە، لە دویایش  چیە ئەرا رز داعش لە ولایەت نەینەوا و بەشداری جەنگەیل دژ وە هیزەیل ئەمنی کردیە.

شانەی راگەیانن ئەمنی وتیش،" ئۆپراسیۆنەگە لەدویای وەدویاچگن چەودیاریکردن  مەیدانیانەی ئامانجەگە کریاگە، وەپای یاداشت دادگا دەسگیر کریاگە، وەشیوەی فەرمی رادەس لایەنەیل تایبەت کریەد".