پۆلیس پویچەڵ دوو تەقەلای خوەیکوشتن دوو ژن لەبان

شەفەق نیوز/ هێزەیل پۆلیس لە بەغداد و زیقار، ئمڕوو پەنجشەممە، توێنستن دوو خانم رزگار بکەن، تەقەلای خوەیکوشتن لەبان دوو پوڵ لە دوو پارێزگاگە دان.

دوو سەرچەوەی ئەمنی، ئەرا ئاژانسی شەفەق نیوز وتن: پۆلیس بەغداد توێنست دوێەتیگ رزگار بکەێد، تەقەلا دا لە بان پوڵ سەرافیە خوەی بخەێدە دیجلە و خوەی بوکشێد.

هەمیش پۆلیس زیقار توێنست ژنیگ پەنجا ساڵان رزگار بکەێد، تەقەلای خوەیکوشتن لەبان پوڵ حەزاڕات لە ناوڕاس پارێزگاگە دا.

سیمایل خوەیکوشتن ژنەیل وە خستن خوەیان وەرەو ناو چەمە گەپەکان لە بەغداد و پارێزگاکان، بوینە سیما باوەکان، ک هیشت فەرماندەی پۆلیس دەوریەیلیگ لە پای پوڵەکان ئەرا پویچەڵکردن ئیجوور تەقەلایلیگ دانەێد.