پۆلیس دەریاوانی مینەی تەرم گەنجیگ خنکیاگ لەئاو دیجلە کەێد
2024-07-15T15:01:51+00:00
شەفەق نیوز/ سەرچەوەیگ ئەمنی لە پۆلیس نەینەوا، ئمڕوو دووشەممە، خەوەردا تیم قورتارکردن تەقەلای مینەکردن تەرم گەنجیگ دەن کە لەناو ئاو چەم دیجلە باشوور موسڵ خنکیاس..
سەرچەوەگە وە ئاژانس شەفەق نیوز وت "دەریاوانەیل پۆلیس دەریاوانی سەر وە پۆلیس نەینەوا لە نیمەڕووی رووژ چوارشەممەی گوەشتە مینەی تەرم گەنجیگ کەن کە مەوقەی مەلەوانی نوقوم بویە لەناو چەم دیجلە لە نزیک ئاوای حاج عەلی لە ناحیەی گەیارە".
سەرچەوەگە ئاشکەرایکرد "تا ئیسە مینەکردن وەردەوامە (تا وەخت نویسانن خەوەرەگە)، گەنجەگە تەمەنی 23 ساڵان بوی مەوقەی مەلەکردن لەچەم نوقوم بویە هەنای قورتارکەرەگەی (چوپ)ەگەی لەناو چەم لەدەس دەێد".
